Muqdisho,(insidesomalia.org)- Ilaa iyo 7 ruux oo rayid ah ayaa ku dhaawacantay, kadib markii uu jiiray Baabuur Booyad ah oo ay lahaayeen Ciidamada Itoobiya Baabuur caasi ah oo ay la socdeen dad rayid ah.

Baabuurka Caasiga ahaa ee la dardaray ayaa waxaa uu ka yimid isgooyska Sanca ee dhinaca waqooyiga Muqdisho waxaana uu kusoo jeeday Suuqa Bakaaraha ee Magaalada Muqdisho,wuxuna baabuurka istagsanaa meel inyar ujirto isgooyska Falorensa, halkaas oo ay dad uga dagayeen.

Baabuurka Booyada ahaa ee ay lahaayeen Ciidamada Itoobiya ayaanan ka hakan gaariga dadka rayidka ah ay saaraayeen oo uu dardarey waxaana la sheegay in uu horay isaga sii socday markii uu dardaray.

2 ka mid ah dadka dhaawaca oo uu ku jior darawalkii Baabuurka ayaa la sheegay in xaaladooda ay aad uliidato, waxaana dhaawaca dhamaantood loo qaaday Isbitaalada Magaalada Muqdisho ee Keeysaneey iyo Madiina.

Marki shilka dhacay ayaa dadka qaarkood oo usoo gurmaday dadka dhaawaca ah waxaa rasaas ku kala eryey Ciidamada Dowladda Federaalka KMG ah ee Soomaaliya ee halkaasi fariisinka ku leh, kuwaas oo ka shakiyey dadka halkaasi yimid.

ma ahan marki ugu horeeysay oo baabuurta ciidamada Itoobiya ay Baabuurta dadka rayidka ah ee ku nool Muqdisho ay jiraan waxaana sidaan oo kale shan bilod ka hor ay uaga dhacday isgooyska KM4 markaas oo gaari Taxi ah oo halkaasi marayey uu ku jiiray Baabuur Ural ahaa, isla markaana uu ku dhintay wadahii Taxsiga.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment